پاکستان پریس فاؤنڈیشن (پی پی ایف) نے پی پی ایف تحقیقاتی رپورٹنگ فیلوشپس کےلئے درخواستیں طلب کرنا شروع کردیں
درخواستیں وصول کرنے کی آخری تاریخ: ہفتہ 14 اگست2022 ہے
پاکستان پریس فاؤنڈیشن (پی پی ایف) نے پی پی ایف تحقیقاتی رپورٹنگ فیلوشپس کےلئے درخواستیں طلب کرنا شروع کردیں ہیں۔
فیلوشپس کا مقصد پاکستانی صحافیوں کو انسانی حقوق، شفافیت، ماحولیات، عدم مساوات، حکمرانی اور بدعنوانی سے متعلق امور پر پیشہ ورانہ، اخلاقی اور قانونی معیارات پر پورا اترنے والی تحقیقاتی رپورٹیں تیار کرنے میں سہولت فراہم کرنا ہے۔
فیلوشپس میں 60 ہزار روپے تک کی اعزازی رقم، صلاحیت سازی کی ورکشاپس کے علاوہ ادارتی اور تکنیکی معاونت شامل ہوگی۔ منتخب امیدوار ایک سینئر صحافی کی نگرانی میں کام کریں گے جو فیلوشپ کی مدت کے دوران پروجیکٹ ایڈیٹر کے طور پر کام کرے گا۔ اس فیلوشپ پروگرام کے دوران ہر امیدوار سے توقع کی جائے گی کہ وہ چھ اسٹوریز تیا رکرے۔
پرنٹ، ٹیلی ویژن، ریڈیو اور آن لائن میڈیا کے لئے کام کرنے کا کم از کم تین سال کا تجربہ رکھنے والے صحافی اس فیلوشپ کے لئے درخواست دے سکتے ہیں۔
خواتین صحافیوں کو درخواست دینے پر حوصلہ افزائی کی جائے گی۔ بلوچستان، سابق فاٹا، گلگت بلتستان اور آزاد کشمیر کے صحافیوں کے لئے معیار میں نرمی کی جاسکتی ہے بصورت دیگر اہل امیدواروں کے لئے۔
فیلوشپ کی مدت چار ماہ پر مبنی ہے۔
مکمل درخواست فارم، انگریزی یا اردو میں، جن میں مندرجہ ذیل شامل ہیں، ہفتہ 14 اگست2022 کو شام 5:00 بجے تک وصول کیے جائیں گے جنکی بنیاد پر فیلوشپ دینے پر غور کیا جائے۔
فیلوشپ درخواست فارم
پیشہ ورانہ ریزیومے/سی وی
کم از کم تین مضامین کے لنکس یا تراشے جو پچھلے بارہ مہینوں میں شائع یا نشر ہوئے ہیں۔
کہانی کی تجویز کا فارم
:درخواستیں ارسال کیجئیے
درخواست فارم تک رسائی کے لیے براہ کرم نیچے دیئے گئے لنک پر کلک کریں۔
:انگریزی میں درخواست فارم
:اردو میں درخواست فارم
:کہانی کی تجویز کا فارم انگریزی میں
: کہانی کی تجویز کا فارم اردو میں
” 
” 
” 
” 
